Vikuskifti = Snickers Køka

 Nokk av sukri og sjokulátu, so gongur tað nokk!

img_8466

Set ovnin á 170 stig

Tilfar til eina køku við diametur á 20 cm

140 g sukur

1 egg

40 g smør

100 g mjøl

20 g kakaopulvur

1 tsk vaniljusukur

1 1/2 bakipulvur

Eitt sindur av salti

1 dl mjólk

50 g myrk sjokuláta

Píska smør, mjøl, sukur, kakao, bakipulvur og salt saman. Píska nú mjólk, egg og vaniljusukur í einum øðrum bolla. Píska síðani alt tilfarið saman, til tað fær ein bleytan konsistens. Rør síðani sjokulátabitarnar í blandið. Koyr nú deiggið í ein randform við einum diametur á 20cm. Baka mitt í ovninum í umleið 35 minuttir. Tað kann verða ymiskt frá ovni til ovn, so hald eygað við køkuni.

img_8425

Peanutbutter glasur/frosting

60 g bleytt smør

70 g peanutbutter

1 tsk vanuljusukur

200 g flormelis

1 spsk vatn

Píska alt tilfarið saman. Um tað er ov tunt, koyr so meira flormelis í, til tað blívur nóg tjúkt. Koyr í ein sproytiposa og koyr tað á køkuna.

img_8445

Snickers

Sker snickers í smáar bitar og stroy tað oman yvir glasurið.

img_8447

Karamell

200 g sukur

50 g smør

1,25 dl róma

Eitt sindur av salti

Koyr sukrið í eina grýtu og lat tað fáa frið at hitast, til tað loysnar frá grýtuni. Tá tað byrjar at brúnkast, tekur tú tað av heitu plátuni og koyrir smørið í. Smørið skal vera skorið smátt. Koyr tað síðani aftur á heitu plátuna og rør runt. Síðani koyrir tú spakuliga róman í og smakkar til við salti. Rør runt til tú heldur at karamellið er blivið nóg tjúkt.

img_8452

Tú velur sjálv hvussu nógv karamell tú ynskir á køkuna. Eg havi einans koyrt tað á kantin, men tað kann saktans eisini koyrast oman yvir køkuna.

img_8457

Tadaaa! Vøkur og lekkur.

Valgagnist!

M&K

Skriv et svar